34 ёшли ҳимоячи Дейли Блинд Нидерландия терма жамоасидаги фаолиятини якунлашга қарор қилганини айтди.

“Тўқ сариқ рангли футболкани 108 марта кийиш шараф эди, мен учун бу футболчи сифатидаги энг юқори ютуқ: ўз ватаним шарафини ҳимоя қилиш.

11 йил давомида мен ўша чиройли апелсин формасини кийишда давом этиш учун қўлимдан келган ҳамма нарсани қилдим. Бу менга жуда кўп, жуда кўп ажойиб дақиқаларни олиб келди. Мен буни қадрлайман. Янги, иқтидорли авлод етишиб чиқмоқда, терма жамоа бош мураббийи билан яхши суҳбатдан сўнг, бор эътиборни ўз клубим ва оиламга қаратиш вақти келди.

Яна бир бор, бу катта шараф эди! Мураббийлар, ходимлар, жамоадошлар ва, албатта, мухлисларга раҳмат, ажойиб йиллар бўлди! Барчангизни соғинаман. Ҳаммага раҳмат”, — деб ёзди Блинд ижтимоий тармоқда.