Спортчи Валентина Петрилло Паралимпия ўйинлари тарихидаги биринчи трансгендер шахсга айланади.
50 ёшли югурувчи 2024 йилда Парижда бўлиб ўтадиган Паралимпия ўйинлари учун Италия терма жамоасига киритилган, у 200 ва 400 метрга югуриш дастурларида иштирок этади.
The Guardian нашрининг хабарига кўра, Петрилло 2019 йилда бу ишга қўл урган. Ўтган йили жаҳон чемпионатида 200 ва 400 метрга югуришда бронза медалини қўлга киритган эди. Петрилло жинсини алмаштиришдан олдин эркаклар тоифасида 11 та миллий чемпионликни қўлга киритганди.
Петрилло Париждаги Паралимпия ўйинларида Италия терма жамоаси шарафини ҳимоя қилади. У кўришда нуқсони бўлган спортчилар учун Т12 тоифасида 200 ва 400 метрга югуришда иштирок этади.
