"Манчестер Юнайтед" португалиялик ярим ҳимоячиси Бруну Фернандеш клуб билан шартномасини узайтирди. Бу ҳақда журналист Фабрицио Романо ижтимоий тармоқдаги саҳифасида маълум қилди.
29 ёшли футболчининг "қизил иблислар" билан янги шартномаси 2027 йилнинг июнигача мўлжалланган. Аввалроқ Фернандеш "Манчестер Юнайтед"нинг энг кўп маош олувчи футболчиларидан бирига айланиши ҳақида хабар берилганди.
Фернандеш "Манчестер Юнайтед"да 2020 йилдан бери ўйнаб келмоқда. Бу мавсумда у Англия Суперкубоги баҳсида қатнашиб, голли узатмани амалга оширди. Transfermarkt интернет портали экспертлари Фернандешнинг нархини 70 миллион еврога баҳоламоқда.
