Матбуотда ҳужумчи Родригонинг "Реал"даги келажаги ҳақида тинимсиз гаплар кетмоқда. Бразилиялик футболчи Килиан Мбаппенинг жамоага келишидан жабр кўриши мумкин эди, деб ҳисоблашарди, аммо бу тахминлар "Аталанта"га қарши мавсумдаги илк расмий ўйинда тасдиқланмади - Карло Анчелотти иккаласига ҳам бошланғич таркибдан жой топди.

Relevo хабарига кўра, "Реал Мадрид" Родригони тўлиқ қўллаб-қувватлайди ва унга яқинлашиб келаётган мавсумда асосий ўйинчилардан бири сифатида ишонмоқда. 23 ёшли форварднинг атрофидагилар унинг клубини ўзгартириш ҳақида умуман ўйламаётганини аллақачон айтишган.