Matbuotda hujumchi Rodrigoning "Real"dagi kelajagi haqida tinimsiz gaplar ketmoqda. Braziliyalik futbolchi Kilian Mbappening jamoaga kelishidan jabr ko‘rishi mumkin edi, deb hisoblashardi, ammo bu taxminlar "Atalanta"ga qarshi mavsumdagi ilk rasmiy o‘yinda tasdiqlanmadi - Karlo Anchelotti ikkalasiga ham boshlang‘ich tarkibdan joy topdi.
Relevo xabariga ko‘ra, "Real Madrid" Rodrigoni to‘liq qo‘llab-quvvatlaydi va unga yaqinlashib kelayotgan mavsumda asosiy o‘yinchilardan biri sifatida ishonmoqda. 23 yoshli forvardning atrofidagilar uning klubini o‘zgartirish haqida umuman o‘ylamayotganini allaqachon aytishgan.
