"Манчестер Сити" бош мураббийи Пеп Гвардиола ярим ҳимоячи Кэлвин Филлипснинг "Ипсвич Таун"га ижарага ўтишини тасдиқлади.
"У "Ипсвич"га ижарага ўтадиганга ўхшайди. Менимча, ҳаммаси аллақачон ҳал қилинган. У ерга боришга қарор қилди. У ўйин амалиётига эга бўлиши керак. Биз у муносиб дақиқаларга эга бўлмаслигини билардик. Унинг келажакда бу ерга қайтиш имконияти бор", - деди Гвардиола.
Ўтган мавсумнинг иккинчи ярмидан бошлаб Филипс "Вест Хэм Юнайтед"да ижара асосида ўйнаганди. Умуман олганда, ўтган мавсумда ярим ҳимоячи барча турнирларда 20та ўйинда қатнашиб, битта гол урган. Футболчининг клуб билан амалдаги меҳнат шартномаси 2027 йилнинг ёзига қадар тузилган.
