"Реал Мадрид" бош мураббийи Карло Анчелотти Ла Лиганинг янги мавсуми якунида "Лос-Бланкос"нинг Испания чемпионлиги унвонини ҳимоя қилиши ҳақидаги саволга жавоб берди.
"Ла Лига чемпионлиги учун барча жамоалар билан рақобатлашишга тўғри келади ва испан футболининг сифати яққол кўринади, бу нафақат жамоаларнинг Ла Лигадаги ўйинлари, балки испанларнинг Евро-2024даги ютуқлари билан ҳам боғлиқ. Бу сифатли футболни англатади.
Қолаверса, «Барселона» ва «Атлетико» ҳам анча кучайди. Биз чемпионлик учун курашишимиз керак бўлади. Бу қизиқарли чемпионат бўлади", - дея Анчелоттининг сўзларини келтирмоқда АС.
