"Фулхэм" ҳужумчиси Адама Траоре "Манчестер Юнайтед" ҳимоячиси Лисандро Мартинеснинг провокациясига жавоб қайтарди. Аргентиналик футболчи жамоасининг "Фулхэм" билан ўйиндаги ғалабасидан сўнг (1:0) "рақибини тренажёр залига жўнатганини" айтди ва Траорени тўпни тоза эгаллаб олиб, майдонга қулаган эпизодига изоҳ берди. “Фулхэм” футболчиси ижтимоий тармоқларида аргентиналик футболчига жавоб бериб, қуйидаги изоҳ билан сурат жойлади: “Хавотир олманг. Биз яна учрашамиз."

Кеча бўлиб ўтган "Манчестер Юнайтед" - "Фулхэм" учрашуви "қизил иблислар"нинг 1:0 ҳисобидаги ғалабаси билан якунланди.

28 ёшли Траоре 2023 йил августидан буён “Фулхэм” сафида ўйнаб келмоқда. Ўтган мавсумда у 18 та ўйинда майдонга тушиб, 2 та гол урди ва 3 та голли узатмани амалга оширди. Испаниялик футболчи “Барселона” тарбияланувчиси ҳисобланади.