"Реал Мадрид" бош мураббийи Карло Анчелотти жамоанинг янги мавсумдаги мақсадлари ҳақида гапирди.
Италиялик мутахассиснинг фикрича, клуб ҳозирда еттита соврин ҳақида ўйламаяпти.
"Бизда нечта турнир бўлиши ҳозирча номаълум, чунки клублар ўртасидаги жаҳон чемпионати ва қитъалараро кубок билан боғлиқ вазият аниқ эмас.
Бизни кутаётган барча турнир ва ўйинларда қатнашишга ҳаракат қиламиз. Ҳеч ким 7 та соврин ҳақида ўйламайди.
Биз ҳар бир ўйинга тайёрланамиз, аммо бу таркиб билан барча мусобақаларда рақобатбардош бўла оламиз", деди Анчелотти журналистларга.
