"Real Madrid" bosh murabbiyi Karlo Anchelotti jamoaning yangi mavsumdagi maqsadlari haqida gapirdi.
Italiyalik mutaxassisning fikricha, klub hozirda yettita sovrin haqida o‘ylamayapti.
"Bizda nechta turnir bo‘lishi hozircha noma’lum, chunki klublar o‘rtasidagi jahon chempionati va qit’alararo kubok bilan bog‘liq vaziyat aniq emas.
Bizni kutayotgan barcha turnir va o‘yinlarda qatnashishga harakat qilamiz. Hech kim 7 ta sovrin haqida o‘ylamaydi.
Biz har bir o‘yinga tayyorlanamiz, ammo bu tarkib bilan barcha musobaqalarda raqobatbardosh bo‘la olamiz", dedi Anchelotti jurnalistlarga.
