"ПСЖ" “Аталанта” ҳужумчиси Адемола Лукманни сотиб олишга яқин турибди.
26 ёшли футболчи парижликлар сафида ўйнашни жуда истамоқда, бу ҳақда ОАВнинг сўнгги хабарларидан малум бўлди. Журналист Руди Галеттининг ёзишича, Лига 1 гиганти энди нигериялик билан шартнома шартлари бўйича принципиал келишувга эришган. Форвард клубларнинг трансфер бўйича келишиб олишини кутмоқда, бироқ “Аталанта” ҳали “ПСЖ”дан расмий таклиф олмаган.
Охирги Европа лигаси финали қаҳрамонининг нархи Transfermarkt экспертлари томонидан 40 миллион еврога баҳоланган.
