"Тоттенхэм" бош мураббийи Анже Постекоглу "Лестер"га қарши Англия премьер-лигасининг 1-тур учрашуви натижаларини сарҳисоб қилди.

“Шпорлар” 29-дақиқада Педро Порро орқали ҳисобда олдинга чиқиб олди, аммо пешқадамликни сақлаб қола олмади, чунки “тулкилар” 57-дақиқада Жейми Вардининг голи эвазига мағлубиятдан қутулиб қолишди.

“Биз биринчи бўлимни ажойиб ўтказдик, ўйинни назорат қилдик, лекин дарвоза олдида вазиятларни исроф қилдик.

Иккинчи тайм ҳам худди шундай кечди. Биз яхши ўйнадик, аммо “Лестер” гол уриши биланоқ ўзини йўқотди.

Биз ҳали ҳам ўтган мавсумда бўлган муаммо билан курашмоқдамиз - рақиб дарвозаси олдида совуққонроқ бўлишимиз керак.

Баъзида биз бундай вазиятларда нотўғри қарорлар қабул қилдик. "Тоттенхэм"нинг устунлиги яққол кўриниб турарди, аммо вазиятлар голга айланмаса, бу маъносиз", - деди Постекоглу.