"Tottenxem" bosh murabbiyi Anje Postekoglu "Lester"ga qarshi Angliya premyer-ligasining 1-tur uchrashuvi natijalarini sarhisob qildi.
“Shporlar” 29-daqiqada Pedro Porro orqali hisobda oldinga chiqib oldi, ammo peshqadamlikni saqlab qola olmadi, chunki “tulkilar” 57-daqiqada Jeymi Vardining goli evaziga mag‘lubiyatdan qutulib qolishdi.
“Biz birinchi bo‘limni ajoyib o‘tkazdik, o‘yinni nazorat qildik, lekin darvoza oldida vaziyatlarni isrof qildik.
Ikkinchi taym ham xuddi shunday kechdi. Biz yaxshi o‘ynadik, ammo “Lester” gol urishi bilanoq o‘zini yo‘qotdi.
Biz hali ham o‘tgan mavsumda bo‘lgan muammo bilan kurashmoqdamiz - raqib darvozasi oldida sovuqqonroq bo‘lishimiz kerak.
Ba’zida biz bunday vaziyatlarda noto‘g‘ri qarorlar qabul qildik. "Tottenxem"ning ustunligi yaqqol ko‘rinib turardi, ammo vaziyatlar golga aylanmasa, bu ma’nosiz", - dedi Postekoglu.
