Осиё чемпионлар лигасининг "G" гуруҳидан ўрин олган "Бейцзинг Гоан" - "Поханг Стилерз" ўйини якунланди. Унда майдон эгалари 2:0 ҳисобида ғалаба қозонишди ва ўз очколари сонини 8тага етказиб олишди.
Демак, ҳозир бўлиб ўтаётган ўйинда "Бунёдкор" Япониянинг "Санфречче Хиросима" клубини мағлубиятга учратса, нафақат нимчорак финал масаласини ҳал қилади, балки гуруҳда 1-ўрин тақдирини ҳам муддатидан аввал ҳал қилиб улгуради. Шунда сўнгги тур "қалдирғочлар" учун фақатгина расмиятчиликка айланиб қолади, холос.
Бугунги ўйиндаги ғалаба "Бунёдкор"нинг очколари сони 11тага етишига олиб келади ва ўзаро ўйинлар натижасига кўра "Бейцзинг Гоан" вакилларимиздан ўтиб кета олмайди. Гуруҳ ғолиби эса иккита ўйиндан иборат 1/8 финал босқичининг жавоб ўйинини ўз уйида ўтказади.
"Санфречче"га қарши бўлиб ўтаётган ўйинда дуранг натижа Миржалол Қосимов шогирдлари муддатидан аввал нимчорак финал йўлланмасини тақдим этмайди.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Бунёдкор | 4 | 2 | 2 | 0 | 5-2 | 8 |
| 2 | Бецзинг Гуоан | 5 | 2 | 2 | 1 | 4-2 | 8 |
| 3 | Поханг Стилерс | 5 | 1 | 3 | 1 | 4-5 | 6 |
| 4 | Санфречче Хиросима | 4 | 0 | 1 | 3 | 2-6 | 1 |
