Каталониянинг "Барселона" клуби "Манчестер Сити"дан ҳимоячи Жоау Канселуни сотиб олиш ҳуқуқидан воз кечди. Ўтган мавсумда латераль ижара асосида "кўк-анорранглилар" шарафини ҳимоя қилганди.
DeadlinedayLive хабарига кўра, Каталония гиганти футболчини юқори маош талаби туфайли сотиб олишдан воз кечган. Канселу йилига 17 миллион евро олмоқчи эди, бу эса “Барселона” раҳбариятига тўғри келмади.
Аввалроқ, "Манчестер Сити" Канселуни Саудия Арабистонига сотишга яқин тургани ҳақида маълумотлар пайдо бўлганди. Англия чемпиони бу келишувдан тахминан 35 миллион евро ишлаб олиши мумкин.
