Пауло Дибала "Рома"да қолишга қарор қилди.
Олдинроқ, аргентиналик ярим ҳимоячи "Ал-Қодисия" билан умумий суммаси 75 миллион еврога 3 йиллик шартнома имзолашга рози бўлгани ҳақида маълумотлар пайдо бўлганди.
Инсайдер Фабрицио Романонинг сўзларига кўра, Дибала фикрини ўзгартирган ва Саудия клуби таклифини рад этиб, Италияда қолишга қарор қилган.
Футболчи буни Instagram'да “Рома”даги энг яхши лаҳзалар лавҳаларини жойлаштириб, видеога “Раҳмат, Рома. Якшанба куни кўришгунча", - деб ёзди.
Ўтган мавсумда Пауло А Серияда 28 ўйин ўтказиб, 13 гол урди ва 9 голга ассистентлик қилди.
