Жуд Беллингем жароҳати сабаб бир ойга яқин майдонга туша олмайди.
"Реал"нинг 21 ёшли ярим ҳимоячиси "Валядолид"га қарши Ла Лиганинг 2-тур учрашувига тайёргарлик жараёнида жароҳат олган, дея хабар беради бош мураббий Карло Анчелотти.
Мадрид клубининг хабар беришича, ярим ҳимоячига ўнг оёғининг плантар фасиити ташхиси қўйилган (товон фасциясидаги яллиғланиш ва дегенератив ўзгаришлар туфайли юзага келган касаллик, товон оғриғининг энг кенг тарқалган сабаби).
Футболчининг тикланиш даври эълон қилинмади, бироқ журналист Марио Кортегананинг ёзишича, Беллингем тахминан бир ойни ўтказиб юборади.
