Эдди Хау Киран Трипьернинг ушбу трансфер ойнасида "Ньюкасл Юнайтед"ни тарк этиши мумкинлиги ҳақидаги гап-сўзларни рад этди ва Англия терма жамоаси футболчиси клубда қолишига умид билдирди.

"Трипьер бу ҳафта жуда яхши машқ қилди. Мен чиқаётган кўплаб гап-сўзлардан ҳайратдаман. У жамоанинг қимматли аъзоси.

Унинг профессионаллиги биринчи даражали эди. У Евродан қайтганидан бери жуда яхши машқ қилди.

Бор-йўғи икки ҳафта машғулот ўтказди, шунинг учун уни дам олиш кунларида асосий таркибга туширмасликка қарор қилдим, у мавсумолди жараёнларини жуда яхши ўтказди. Вазият шундай. Уни барчамиз қадрлаймиз", – деди мураббий.