25 август куни Неаполдаги “Марадона” стадионида футбол бўйича Италия чемпионатининг 2024/2025 йилги мавсуми 2-тур учрашуви бўлиб ўтди ва унда “Наполи” “Болонья”ни қабул қилди.
Унда мезбонлар 3:0 ҳисобида зафар қучди. Неаполликлар жамоасининг грузиялик вингери Хвича Кварацхелия ўйин давомида гол урди ва голли узатмани амалга оширди ва учрашув натижасига ижтимоий тармоқлардаги пости билан муносабат билдирди.
"Дамиан учун. Жамоамдан хурсандман. Мавсумнинг дастлабки уч очкоси!” деб ёзди Кварацхелия ижтимоий тармоқлардан биридаги саҳифасида.
Эътибор беринг, Дамиан Кварацхелиянинг янги туғилган ўғли.
