"Манчестер Сити" марказий ярим ҳимоячиси Матеус Нунес ёзги трансфер бозори ёпилгунига қадар ўзининг клубини ўзгартириши мумкин.
Todofichajes портали маълумотларига кўра, 25 ёшли футболчига "Ливерпуль" қизиқиш билдирмоқда. "Шаҳарликлар" португалиялик учун 40 миллион евро тўлайдиган клуб бўлса, у билан хайрлашишга тайёр. Матеуснинг Премьер-лига чемпиони билан шартномаси 2028 йилнинг июнь ойи охиригача амал қилади.
Нунес ўтган йили "Манчестер Сити"га кўчиб ўтганди. 2023/2024 йилги мавсумда ярим ҳимоячи Англия чемпионатининг 17 та ўйинида қатнашиб, иккита голли узатмани амалга оширган.
