Юри Алберто Премьер-лигага ўтиши мумкин.
"Саутгемптон" "Коринтианс" ҳужумчисининг трансферига қизиқиш билдирмоқда. Инглиз клуби музокараларни бошлаб юборди, бироқ ҳозирча расмий таклифлар билан чиқмади, деб хабар беради Globo.
"Авлиёлар" футболчини сотиб олиш имконияти билан ижарага олмоқчи. Бразилияликлар футболчини сотишни ёки уни мажбурий сотиб олиш имконияти билан ижарага беришни афзал кўришади, бу эса муайян шартлар бажарилган тақдирда кучга киради.
Қайд этилишича, "Саутгемптон" Албертонинг трансфери учун 21 миллион еврогача сарфлашга тайёр.
Алберто 2023 йилнинг қишида «Зенит»дан «Коринтианс»га ўтган эди. Ҳужумчининг 50% иқтисодий ҳуқуқлари ҳамон Санкт-Петербург клубига тегишли.
