Дуайт Йоркнинг фикрича, Маркус Рэшфорд бахтсиз кўринади.

"Сиз ўйинчи ҳозир қайси босқичда эканлигини, унинг хаёлида нима борлигини, кундалик ҳаётда қандай фикрлар билан бандлигини тушунишингиз керак. Охир оқибат, барчамизда қийинчиликлар бор, ҳаммамизда муаммолар бор.

Ишончим комилки, Англия терма жамоасига киритилмаганингиздан кейин сиз унинг кўзларида олов билан қайтишини кутишингиз мумкин. Бу инқироздан фақат Маркус Рэшфорд ўзини олиб чиқа олади.

Сиз уни энг зўр мураббийлар билан ўраб олишингиз мумкин, лекин унинг ўзида ҳам қайтиш истаги бор. Биз унинг истеъдоди ва қобилияти борлигини биламиз.

Аммо у кучини сарфламаса ва фаолиятидаги энг ёмон мавсумдан чиқиб кета олмаса, эски даражасига қайтмайди. У буни ўзи хоҳлаши керак.

Мен Маркусни кўп марта ҳимоя қилганман, лекин ҳозир у шунчаки бахтсиз кўринади. Нима сабабдан, билмайман, лекин у футболдан аввалгидек завқланмаётганга ўхшайди", - дейди “Манчестер Юнайтед”нинг собиқ ҳужумчиси.