"Насьонал" 27 ёшли ҳимоячи Хуан Иксьердонинг вафот этганини эълон қилди.
Уругвай клуби футболчиси Бразилиянинг "Сан-Паулу" клубига қарши Либертадорес кубоги 1/8 финали жавоб ўйини (0:2) вақтида ҳушини йўқотиб, шифохонага ётқизилган эди.
Ўлим сабаби аритмия туфайли юрак тутилиши бўлди.
"Клуб бизнинг севимли ўйинчимиз Хуан Иксьердонинг вафот этганини қалбимиздаги чуқур изтироб ва ҳайрат билан эълон қилади.
Унинг оила аъзолари, дўстлари, ҳамкасблари ва яқинларига чуқур ҳамдардлик билдирамиз. Бутун "Насьонал" унинг тузатиб бўлмайдиган йўқотишидан қайғуради. Хуан, сен абадий биз билан яшайсан", - дейилади клуб баёнотида.
