Мадриднинг “Реал” клуби бош мураббийи Карло Анчелотти Ла Лига доирасида “Лас-Пальмас”га қарши ўйин олдидан журналистлар билан суҳбатлашди.
Италиялик мутахассисдан Чемпионлар лигасининг янги формати ёқдими ёки йўқми, деган савол сўралди.
"Мен Чемпионлар лигасининг янги формати ҳақида ҳозирча фикрга эга эмасман, чунки биз ҳали бунақа нарсага дуч келганимиз йўқ. Сабр қилайлик ва бир йилдан кейин гаплашайлик. Баъзида янги нарса яхши бўлиши мумкин", - деди Анчелотти журналистларга.
Хабарингиз бор, 2024/2025 йилги мавсумда Чемпионлар лигасида гуруҳ босқичи ўрнига 36 та жамоадан иборат ягона лига ўтказилади. Лига босқичига қуръа ташлаш маросими 29 август, пайшанба куни бўлиб ўтади.
