Бундан роппа-роса 15 йил муқаддам, 2009 йилнинг 29 август куни Криштиану Роналду илк бор “Реал” сафида расмий ўйинда майдонга тушган эди.
Ўша куни “Лос-Бланкос” “Депортиво”га қарши майдонга тушди ва 3:2 ҳисобида ғалаба қозонди. Роналду пенальтини аниқ амалга ошириб, гол уришга муваффақ бўлди. Криштиану Роналду 2009-2018 йилларда "Реал"да ўйнаган. Бу даврда португалиялик футболчи 438 та расмий ўйин ўтказиб, 450 та гол урган ва ўз шерикларига 131 та голли узатмани амалга оширган.
Ҳозирда 39 ёшли Роналду Саудия Арабистонининг "Ан-Наср" клубида ўйнамоқда. Форварднинг амалдаги шартномаси 2025 йилнинг ўрталарига қадар тузилган.
