«Рома» Мёнхегладбахнинг «Боруссия» клуби марказий ярим ҳимоячиси Куадио Конени ўз сафига қўшиб олишга яқин турибди, деб хабар бермоқда Италиянинг "La Gazette Dello Sport" нашри.
23 ёшли франциялик футболчининг трансфери борасидаги музокаралар якуний босқичда. 29 августдан буён Римда бўлиб турган ярим ҳимоячининг агенти «бўрилар» билан футболчи учун 5 йиллик шартнома бўйича келишувга эришди ва унга кўра у мавсумига 3 миллион евро олади.
Ҳозирда клублар ўртасидаги келишувнинг якуний тафсилотлари келишиб олинмоқда. «Боруссия» футболчи учун 17 миллион евро олиши керак, яна 2-3 миллиони эса бонуслар кўринишида берилади.
