Рафаэль Леау ва Тео Эрнандес "cooling break" вақтида шерикларига яқинлашмади.

“Милан” А сериянинг 3-турида “Лацио” билан меҳмонда дуранг ўйнади (2:2).

Леау ва Тео ўйинни захира ўриндиғида ўйинни бошлашди. Футболчилар 70-дақиқада майдонга тушишди ва орадан 30 сония ўтиб жамоанинг иккинчи голида биргаликда иштирок этишди.

Гол нишонлашдан сўнг ўйин футболчиларнинг томоқ ҳўллаб олишлари учун тўхтатилди. Шу ўринда «Милан» бош мураббийи Пауло Фонсека футболчиларга тактик кўрсатмалар берди, бироқ Леау ва Тео Эрнандес шерикларига қўшилмади.

Аксинча, ўйинчилар қарама-қарши қанотда қолиб, ўйин қайта бошланишини кутишди.