Лотар Маттеуснинг фикрича, Флориан Вирц жаҳон чемпионати олдидан “Байер”ни тарк этиши шарт эмас.
21 ёшли ярим ҳимоячига "Бавария", "Манчестер Юнайтед", "Манчестер Сити" ва "Ливерпуль" клублари қизиқиш билдирмоқда.
"Ўйлайманки, унга 2026 йилги жаҳон чемпионатига таниш муҳитда тайёргарлик кўриш яхшироқ бўлади.
Агар у "Ливерпуль", "Манчестер" ёки "Барселона"га ўтса, у "Байер" Леверкузендаги каби ролга эга бўлмайди.
Шунинг учун мен унга 2026 йилгача қолишни тавсия қилган бўлардим. У 23 ёшга тўлади ва уни олдинда хорижда яна 10 та ажойиб йил кутмоқда.
Чемпионлар лигасининг бу мавсумдаги ўйинлари уни янада кучлироқ қилади. Умид қиламанки, у жарохатларсиз курашади", - деди Германия терма жамоаси таркибида 1990 йили жаҳон чемпиони бўлган Маттеус.
