"Реал" ҳужумчиси Килиан Мбаппе Ла Лигада илк бор гол урди. "Лос-Бланкос"нинг 25 ёшли янги футболчиси 4-турда “Бетис”га қарши ўйинда (2:0) иккала голни ҳам ўзи киритди.
Франциялик ҳужумчи шу кунгача Испания чемпионатининг учта ўйинида бир марта ҳам гол ура олмади.
"Криштиану менинг кумирим, лекин мен унинг ўринбосари мақоми ва у билан бирга келадиган босим ҳақида ўйламайман. Мен Килиан бўлишни хоҳлайман ва мен фақат шахсан ўзимга ва жамоамга бўлган босим ҳақида қайғураман", - деди Мбаппе.
Эслатиб ўтамиз, Криштиану Роналду 2009 йилдан 2018 йилгача "Реал"да ўйнаган.
