"Манчестер Сити" ярим ҳимоячиси Кевин Де Брюйне келаси ёзда эркин агент сифатида жамоасини тарк этишини истисно қилмади.
“Ишончим комилки, мавсум давом этар экан, суҳбатлар бўлади. Мен шунчаки ўзимни яхши ҳис қилишни ва ўз футболимни ўйнашни хоҳлайман. Умид қиламанки, келгуси ойларда ҳаммаси шундай қолади. Мен келажагим ҳақида гапиришга шошилмаяпман", деди Кевин.
Де Брюйне аввалроқ ўз фаолиятини Саудия Арабистонида давом эттиришдан манфаатдор эканлигини инкор этмаган, ярим ҳимоячига аллақачон жуда фойдали шартнома таклиф қилинган.
