"Манчестер Юнайтед"нинг собиқ футболчиси Гари Невилл "қизил иблислар" бош мураббийи Эрик тен Хагнинг келажаги ҳақидаги таҳмини билан ўртоқлашди.
"Бу Тен Хаг учун қийин вақт, босим фақат кучаяди. Лекин мен бу Рождествога қадар тугашига ишонаман. Менда бунга ҳеч қандай шубҳам йўқ. Тен Хагга яна бир неча ой берилади, клуб фавқулодда қарорлар қабул қилмайди", - дейди собиқ футболчи.
Англия чемпионати 3-тури марказий учрашувида “Манчестер Юнайтед” ўз майдонида “Ливерпул”ни қабул қилди. Манкунианликлар ўз майдонида йирик 0:3 ҳисобида мағлуб бўлишди. Жамоа лигада 14-ўринни эгаллаб турибди.
