Паоло Ди Канио Рафаел Леау ва Тео Эрнандесни танқид қилди.
“Милан” А Сериянинг 3-тури доирасида “Лацио” билан дуранг ўйнади (2:2).
Леау ва Тео ўйинни захира ўриндиғида бошлашди. Футболчилар 70-дақиқада майдонга тушишди ва орадан 30 сония ўтиб жамоанинг иккинчи голида биргаликда иштирок этишди.
Гол нишонлашдан сўнг ўйин футболчиларнинг сув ичиб олиши учун тўхтатилди. Шу ўринда "Милан" бош мураббийи Пауло Фонсека футболчиларга тактик кўрсатмалар берди, бироқ Леау ва Тео Эрнандес шерикларига қўшилмади. Аксинча, ўйинчиларга қарама-қарши қанотда қолиб, ўйин қайта бошланишини кутишди.
“Мен популист бўлишни хоҳламайман, лекин бу уят. Нима қиляпсиз? Мураббий бу муносабатдан ўзини камситилгандек ҳис қилмоқда”, - дейди Паоло Ди Канио.
