Яқинда эркин ҳимоячи Матс Хуммельснинг «Рома»га ўтиши мумкинлиги ҳақида хабарлар тарқалган эди. Бироқ, Жанлука ди Марционинг сўзларига кўра, потенциал бепул трансфер сентябрь ойи бошидаёқ амалга ошмай қолган.
«Рома» 35 ёшли футболчига 2,5 миллион евролик бир йиллик шартнома таклиф қилмоқчи эди. Аммо кейин томонлар ўртасида қўшимча музокаралар бўлиб ўтди ва натижада А Серия клуби футболчи билан шартнома имзоламасликка қарор қилди.
Ўтган ёзда Хуммельсга «Брайтон», «Болонья», «Реал Сосьедад» ва ҳатто «Мальорка» каби бир қанча клублар қизиқиш билдирганди, аммо трансфер амалга ошмади.
