"Атлетик" вингери Нико Уильямс "Барселона"га ўтмагани сабаблари билан ўртоқлашди.
Футболчининг сўзларига кўра, у Бильбаога содиқ ва Каталония жамоасининг қизиқишидан мамнун бўлган.
"Катта жамоалар кун тартибида сизнинг номингиз борлиги яхши, лекин мен бу ерда бўлишни хоҳлаётганимни ҳар доим аниқ айтганман.
"Атлетик" - бу бошқа туйғу. Менинг юрагим "Атлетик"га тегишли. Бу ерда шартномам бор, аммо келажакда нима бўлишини ҳеч ким билмайди. Мен шу ерда қолмоқчи эдим, чунки "Атлетик" билан Европада ўйнаш мени энг кўп ҳаяжонлантирди", – деди Уильям Mundo Deportivo билан суҳбатда.
Ўтган мавсумда Уильямс "Атлетик" сафида Ла Лигада 31 та ўйин ўтказиб, 5 та гол урди ва 11 та голли узатмани амалга оширди.
