"Реал Мадрид" раҳбарияти Карло Анчелоттининг таркибни кучайтириш талабини қаноатлантирмади. "Лос-Бланкос" бош мураббийи жамоага яна бир марказий ҳимоячи керак деб ҳисобламоқда.
Ёзги трансфер ойнасида "Реал" фақат Эндрик ва Килиан Мбаппени қўлга киритиб, ҳимоя чизиғини кучайтирмасдан қолдирган эди. Анчелотти директорлар кенгашидан янги ҳимоячи билан имзо чекишни сўраган, бироқ рад жавоби берилган.
Ўтган мавсум якунлангач, марказий ҳимоячи Начо Фернандес "Реал Мадрид" сафини тарк этиб, эркин агент сифатида Саудия Арабистонининг "Ал-Қодисия" клубига ўтди.
