"Барселона" вингери Рафинья Диас мавсумдаги мақсадлари ҳақида гапирди.
“Мавсумдаги минимал мақсад - ғалаба қозониш. Чемпионлар лигасида ҳам? Табиийки. "Барса"да ўйнаганингизда олдингизга қўйган асосий мақсад барча унвонларни қўлга киритишдир. Агар сиз шундай клубда бўлиб, ўз олдингизга шундай мақсад қўймаган бўлсангиз, унда сиз нотўғри жойда", - деди футболчи.
Ўтган мавсумда "Барселона" Ла Лигани иккинчи ўринда якунлади ва мамлакат Суперкубоги финалчисига айланди. Жорий Испания чемпионатида Каталония клуби 12 очко билан турнир жадвалида биринчи ўринда бормоқда.
27 ёшли Рафинья 2024/25 йилги мавсумда Ла Лигада 4 та ўйин ўтказиб, 3 та гол ва 3 та голли узатмани амалга оширди.
