"Барселона" президенти Жоан Лапорта ярим ҳимоячи Илкай Гюндоган нега ёзда жамоани тарк этгани ҳақидаги саволга жавоб берди.

"Бу спорт қарори эди. Дани Ольмо билан шартнома имзолангандан сўнг, Гюндоганнинг роли аниқ эмас эди, чунки улар бир хил позицияда ўйнашади. Гюндоган ажойиб инсон ва футболчи”, - дея Лапорта сўзларини келтиради журналист Фабрицио Романо.

Гюндоган 2023/24-йилги мавсумда “Барселона”да ўйнаган, шундан сўнг “Манчестер Сити”га қайтган. 33 ёшли ярим ҳимоячи каталонияликлар либосида 51 та ўйин ўтказиб, 5 та гол ва 14 та голли узатмани амалга оширган.