"Челси"нинг ўнг қанот ҳимоячиси Рис Жеймс жароҳатини даволашда давом этмоқда. “Кўклар” сардори август ойи бошида жароҳат олиб, мавсум бошини ўтказиб юборишга мажбур бўлди.

Жеймснинг жароҳати унчалик жиддий ҳисобланмади, аммо ҳозирча у сафга қайтишга яқин эмас. Журналист Мэтт Лоунинг сўзларига кўра, англиялик футболчининг 14 сентябрь куни бўлиб ўтадиган “Борнмут”га қарши навбатдаги ўйинда тикланишга улгуриши даргумон. Футболчи бир неча ҳафтадан сўнг тўлиқ машғулотларга қайтиши кутилмоқда.

Ўтган мавсум давомида Рис Жеймс "Челси" сафида атиги 11 та ўйин ўтказди.