"Кристал Пэлас" хўжайини Стив Пэриш вингер Майкл Олисенинг "Бавария"га сотилганига изоҳ берди.
Эслатиб ўтамиз, “бургутлар” франциялик футболчининг трансферидан 50 миллион евродан кўпроқ даромад олди.
"Олисе "Бавария"га ўтганидан фахрланамиз. Футболчиларни топ-клубларга сотмоқчимиз. Биз ўзимиз Чемпионлар лигасида ўйнашни хоҳлаймиз, аммо ҳақиқат шундаки, биз ҳали у ерда ўйнамаяпмиз", - деди Стив.
Олисе тез орада Франция терма жамоасида дебют қилиши мумкин. Ўтган мавсумда 22 ёшли Майкл Англия Премьер-лигасида 19 учрашувда 10 та гол урди ва 6 та голли узатмани амалга оширди.
