Эрон миллий терма жамоаси бош мураббийи Карлос Кейрушнинг фикрича, агар футболчилар якдил ва ҳамжиҳат бўла олишса, терма жамоа ЖЧ-2014га чиқа олади.

"Олдимизда 3та муҳим ўйинлар бизни кутиб турибди. Биз ё ўз мақсадимизга эришамиз, ёки барчасидан маҳрум бўламиз. Афсуски, биз ўз имкониятларимиздан фойдалана олмадик. Ўйин ташқарисида пайдо бўлган айрим муаммолар ҳам бизга халал берди", дейди Кейруш.

"Бизнинг ўйинларимизда ҳакамлар хатоларга йўл қўйишди, айниқса, сўнгги 2та ўйинимизда. Бироқ бу билан мен ўзимни оқламоқчи эмасман, барчасини ўз зиммамга оламан", дейди 60 ёшли мураббий.

"Ҳозир эса бирлашадиган ва ЖЧ-2014га чиқиш орзуимни амалга оширадиган пайт келди. Менинг маслаҳатим — "майдонда жанг қилинг". Биз ишончни сақлаб қолишимиз керак", қўшимча қилди у.

"Мен 33 йилдан бери футбол ичидаман. Мен ҳар доим танқидлар учун очиқман, бошқача бўлиши мумкин эмас. Лекин айрим танқидлар орки, баъзи шахслар ўз манфаати йўлида жамоага зарар келтиришади", дейди португалиялик мутахассис.

"Назаримда, ЖЧга бориш учун жанг бўлад. Ушбу жангда ғолиб чиқиш учун биз бирлашашимиз керак", дейди Карлос Кейруш.

Эслатиб ўтамиз, Эрон миллий терма жамоаси 4 ва 18 июнь кунлари Қатар ва Жанубий Корея меҳмони бўлса, 11 июнь куни ўз майдонида Ливанни қабул қилади. Ҳозирги кунда гуруҳни Ўзбекистон (11 очко) ва Жанубий Корея (10 очко) бошқариб туришибди. Эрон ва Қатар ҳисобида 7 очко бор.