"Челси"нинг янги футболчиси Жейдон Санчо ёзги трансферлар ойнаси охирида клубга келди. "Манчестер Юнайтед" Эрик тен Хагга керак бўлмаган ярим ҳимоячини қўйиб юборди.
Санчо "Челси" расмий сайтига ўзининг илк интервюсини берди ва унда у трансферда клуб бош мураббийи Энцо Мареска муҳим рол ўйнаганини тан олди.
"Менимча, мени лойиҳага жалб қилган мураббий бўлди. Мен Марескани “Сити”да бўлганимда билардим ва у Пеп билан ишлаган. У мен билан телефонда лойиҳа ва бу ерда нима қураётгани ҳақида гаплашди. Мендек ёш футболчи учун бу жуда ҳаяжонли ва мен ўйинни бошлашни сабрсизлик билан кутяпман", деди футболчи.
Бу вазиятда мухлислар жуда муҳим бир номувофиқликни дарҳол пайқашди: Жейдон Санчо 2017 йилда "Манчестер Сити"ни тарк этган, Энцо Мареска эса Гвардиола штабига фақат 2020 йилда келиб қўшилган.
