Португалия терма жамоаси бош мураббийи Роберто Мартинес Миллатлар лигаси доирасидаги Хорватия устидан қозонилган ғалаба (2:1) ҳақида фикр билдирди.
“Жуда қизиқарли ўйин. Етти йил ҳимояда тўрт футболчи билан ўйнаган хорватлар бугун беш футболчи билан ўйнади. Биринчи бўлимда яхши кўриндик, аммо голдан сўнг хорватлар ташаббусни ўз қўлига олди ва иккинчи бўлимда ўз ўйинимизни бошқача кўрсатишга мажбур бўлдик. Биз ажойиб ўйнадик. Биз тўп билан яхши муомала қилдик, иккита гол урдик, кўпроқ имкониятлар яратдик", - дея Мартинес сўзларидан иқтибос келтиради УЕФА матбуот хизмати.
