"Барселона" клуби расмий сайтида жамоанинг янги меҳмон либосидаги футболкани 114,99 еврога сотмоқда. Боз устига, агар “блауграна” мухлиси футболкасига ўз исми ва рақамини ёзмоқчи бўлса, 184,99 евро тўлаши керак бўлади. Mundo Deportivo хабарига кўра, бу нархлар Каталония клубининг янги футболкасини тарихдаги энг қимматга айлантиради.
Таъкидланишича, масалан, "Реал Мадрид" футболкасининг асосий версияси "Барселона" футболкасидан 15 еврога арзонроқ. Бироқ номи ва рақами ёзилган футболка ҳам “Қироллик клуби” мухлисларига 184,99 еврога тушади.
Испания Примерасининг тўрт туридан сўнг “Барселона” 12 очко жамғариб, биринчи ўринда бормоқда.
