Нидерландия терма жамоаси бош мураббийи Роналд Куман бир неча кун аввал 26 ёшида Саудия Арабистонига борган Стивен Бергвейн учун жамоа эшиклари ёпилганини малум қилганди. "Ал-Иттиҳод"нинг янги футболчиси мутахассиснинг сўзларига жавоб қайтарди.
"Энди бу мураббий қўл остида ўйнашни хоҳламайман. Мен ҳақимда ОАВга у гапиргандек одамнинг қўл остида ўйнамайман. У менга қўнғироқ қилиши, воқеани тинглаши мумкин эди. Мен билан гаплашмай туриб, қандай қилиб бундай гапларни гапиради?", - деди Бергвейн.
Аввалроқ Стивен Бергвейн Европада ПСВ, “Тоттенхэм” ва “Аякс” клубларида тўп тепган.
