Сербиялик дарвозабон Жорже Петрович Лондоннинг “Челси” клуби билан меҳнат шартномасини узайтиришга рози бўлди.
Бу ҳақда таниқли инсайдер Фабрицио Романо хабар берди.
Манба берган хабарга кўра, 24 ёшли футболчи "Страсбург"га ижарага боришдан аввал "Челси" билан яхшиланган шартлар асосида шартномасини узайтиришга қарор қилган.
Қайд этилишича, дарвозабоннинг келажаги борасидаги масала келаси ёзда ҳал бўлади. Петрович 2023-йил августидан бери “Челси”да ўйнамоқда.
Бу вақт ичида у 31 та учрашувда қатнашиб, 44 та гол ўтказиб юборди ва 7 марта ўз дарвозаси дахлсизлигини сақлаб қолди.
