“POSCO” халқаро маркази мажлислар залида “Поханг Стилерз” – “Бунёдкор” учрашуви олдидан жамоа менежерлари ва учрашув расмийлари йиғилиши бўлиб ўтди.

Унда эртанги учрашувда жамоаларнинг қандай рангли формаларда ҳаракат қилиши аниқлаб олинди. Мезбонлар қизил ва қора ранглардан ташкил топган йўл-йўл либосларда кўриниш беришади. Рақиб посбони сариқ кийимлар кияди.

“Қалдирғочлар” тўлиқ оқ рангли формаларда майдонга чиқишади. Дарвозабонимиз яшил рангли либослар киядиган бўлди.

Шунингдек, йиғилишда эртанги баҳсда дисквалификация туфайли Шин Жин Хо ва Хайрулла Каримов майдонга туша олмасликлари яна бир бор айтиб ўтилди.

Эслатиб ўтамиз, “Поханг Стилерз” – “Бунёдкор” учрашуви 30 апрель куни Тошкент вақти билан соат 15:00да бошланади.

Мирзаҳаким Тўхтамирзаев
Поханг