8 сентябрга ўтар кечаси Канзас-Сити шаҳрида 2026 йилги жаҳон чемпионатига мезбонлик қиладиган АҚШ ва Канада терма жамоалари ўртасида ўртоқлик учрашуви бўлиб ўтди.
Жесси Марш шогирдлари Жейкоб Шаффелбург (17) ва Жонатан Дэвид (58)нинг голлари эвазига кучлироқ бўлишди, америкаликлар фақат Лука де ла Торренинг (66) голи билан жавоб қайтаришди - 2:1.
1957 йилдан бери биринчи марта АҚШ ўз майдонида Канадага мағлуб бўлди. Ўшанда жамоалар ЖЧ-1958 саралаши доирасида тўқнаш келишганди ва Канада нафақат меҳмонда (3:2), балки уй учрашувида ҳам (5:1) ғалаба қозонганди.
