Италия терма жамоаси сафида жароҳат олган "Арсенал" ҳимоячиси Рикардо Калафьори ҳолати ҳақида маълумот пайдо бўлди.

6 сентябрь куни италияликлар Миллатлар лигасининг 1-турида Францияни мағлуб этишди (3:1). Журналист Фабрицио Романонинг сўзларига кўра, Калафьори жиддий жароҳатдан қутулиб қолган – футболчида оддий кўкаришлар бор.

Шу билан бирга, "Арсенал" таваккал қилишни истамайди, шунинг учун кейинги ҳафтада футболчининг ҳолатини қўшимча баҳолашади, деди манба.

15 сентябрь куни Лондон дербисида "Арсенал" "Тоттенхэм" билан учрашади. Англия Премьер-лигасининг 4-тур учрашуви бошланиши Тошкент вақти билан соат 18:00га белгиланган.