"Сельта" ҳимоячиси Оскар Мингеса "Барселона"га қайтиши мумкин.

Футболчи Каталония клуби тарбияланувчиси ҳисобланади. Мингеса икки мавсум асосий жамоада ўйнади. У Чемпионлар лигасида Жерар Пикенинг жароҳати туфайли дебют қилди. Киевнинг “Динамо” жамоасига қарши ўтказилган илк учрашувда у голли узатмани амалга оширди ва испанлар 4:0 ҳисобида ғалаба қозонишди.

Қолаверса, у "Реал" дарвозасига гол уришга муваффақ бўлди, аммо бош мураббий Рональд Куман кетганидан сўнг унинг янги устози Хави унга у қадар жиддий ишочн билдирмади.

Натижада футболчи "Сельта"га 3 миллион еврога сотиб юборилди. Энди Оскар Испания терма жамоаси учун ўйинларда иштирок эта бошлади. Шунингдек, Mundo Deportivo хабарига кўра, Мингесанинг шартномасида сотиб олиш опцияси мавжуд. Бунинг эвазига у "Барселона"га 10 миллион еврога тушиши мумкин.