"Ливерпуль" дарвозабони Куивин Келлегер ёзда клуб раҳбариятидан ўзини сотишларини талаб қилганини айтиб берди.

Ирландиялик посбоннинг сўзларига кўра, у "иккинчи рақам" бўлишдан чарчаган.

"Сўнгги бир неча йил ичида мен бошқа жамоага ўтиб, биринчи рақамли посбон бўлишни ва ҳафтадан ҳафтага ўйнашни хоҳлаётганимни аниқ айтдим.

Клуб бошқа дарвозабонни олишга қарор қилди ва ташқаридан улар бошқа йўналишга ўтишга қарор қилганга ўхшайди", - деди Куивин Келлегер.

Куивин Келлегер, шунингдек, унинг келажаги ҳар доим ҳам унинг қўлида эмаслигини айтди.

"Баъзида ташқаридан бу 100 фоиз менинг қароримдек туюлади, лекин баъзида бу менинг қўлимдан эмас.

"Ливерпуль" ҳам бир қанча таклифларни рад этгани хабар қилинганди. Менинг амбицияларим аниқ: мен ўзимнинг етарли даражада яхши эканлигимга ишонаман ва буни исботлашни истайман", - дея хулоса қилди "қизиллар" дарвозабони.

Эслатиб ўтамиз, ёзда "мерсисайдликлар" узоқ муддатга Алиссоннинг ўрнига Гиорги Мамардашвилини сотиб олишди.